ಬೆಳಕಿನ ಬೀಜ ಬಿತ್ತಿದರೆ
ಕೊಳೆ ತೊಳೆದಂತೆ
ಹೊಳೆಯುತ್ತದೆ-ಕತ್ತಲೆ
…………
ರಂಗೋಲಿಯ ಚುಕ್ಕಿಗಳನ್ನು
ಬರಿಗಾಲಿಂದ ಅಳಿಸಿಬಡಬಹುದು
ಆಗಸದ ತಾರೆಗೆ ಕೈ ಹಚ್ಚಬಹುದೆ?
………………….
ಹೊಸ ಚೆಲುವೆ ಬಂದುದಕ್ಕೆ
ತಾರೆಗಳೇ ನಾಚಿ ಮರೆಯಾಗುತ್ತವೆ
ಇನ್ನು ನರಮನುಷ್ಯರದ್ದೇನು ಲೆಖ್ಖ..?
………………
ಕನಸಿನಲ್ಲೂ ಬಾರದಿದ್ದರೆ ಗೆಳತಿ
ಈ ಆಯುಷ್ಯವೆಂಬುದೇಕೆ,
ಗೆರೆ ಕೊರೆದ ನೆನಪಿಗೆ ಸಾವೆಂಬುದೇ ಇಲ್ಲ.
………………
ಚಿಟ್ಟೆ ಮೌನವಾದರೆ
ಹೂವಿಗೂ ಮುನಿಸು
ಸದ್ದಿಲ್ಲದೆ ಪ್ರೀತಿಸು!
No comments:
Post a Comment